Hemserekîya Konseya Rayberdişî ya KCKyî derheqê 1ê Gulane de eşkerayîyêke daye. Eşkerayîye wina ya:

''1ê Gulane roja paştdayîşî, têkoşînî, yewîya kedkaran a. 1ê Gulane yê pêro kedkar û karkeran fîraz bo. 1ê Gulane vera modernîteya kapîtalîste roja berzkerdişê alaya sosyalîzmî ya. Ma pêro şehîdanê 1ê Gulane û têkoşînê kede bi minet û hurmetî yad kenê ke 1ê Gulane kerd roja demokrasî, azadîye û komelpawitoxîye.

1ê Gulane pêr bedelanê giranan ame afernayene. Dardekerdişê 4 rayberanê karkeran ê 1887î mojneno ke 1ê Gulane dewayêka pîl a. A roje ra heta nika hende şehîdî dîyayî ke ferman û vengê înan 1ê Gulane vurîya hêzê caardişê azadîye, demokrasî û sosyalîzmî.

1ê Gulane Rojhelatê Mîyanênî û Kurdîstan de bi hawayêkê xurtî ciwîyeno. Tirkîya de 1ê Gulanan de zaf şehîdî ameyî dayene û na roje bîye roja têkoşînê pîlî. Coka tim bi hawayêkê xurtî ame fîrazkerdene. 1977 de 1ê Gulane de 34 kedkar û demokratanê ke kişîyayî na roje kerde roja têkoşînêkê pîlêrî.

Kurdî zî sey şarê kedkarî yê serekeyî yê Rojhelatê Mîyanênî temamîya tarîxî de komelpawitoxîye bi xurtî ciwîyayî. Kurdî ewro pê paradîgmaya azadîwaştoxîya cinîyan, ekolojîk û demokratîke sosyakîzm pawenê û ciwîyenê. Coka faşîzmê AKP-MHPyî hêrişê hêzanê azadîye yê kurdan keno.

Cinîya ke komelpawitoxîye afernaye, ewro şexsê cinîyan ê kurdan de, cinîya demokratîke bîye raybera cuya azade. 8ê Adare û 1ê Gulane ke yewbînî temam kenê, seba ke hîşmendîya newîye ya sosyalîzmî pêro dinya de serwer biba pê rolê xo yê dîyarkerdî wurzenê ra. 1ê Gulane têna Kurdîstan, Tirkîya Rojhelatê Mîyanênî de nê roja raweriştişê cinîyanê ke 8ê Adare de payan ser o bîyê. Hînî 1ê Gulane sey roja cinîyan a azadîye, demokrasî û sosyalîzmî yena fîrazkerdene. 1ê Gulane xeta azadîya cinîyan de do bibo roja yewîye û paştdayîşî ke peynîya modernîteya kapîtalîste nêzdî bikero.

Ewro îqtîdaro faşîst ê AKP-MHPyî bi rayberê dişmenîya demokrasî û azadîye. Bi nê hawayî yeno famkerdene ke hêzê modernîteya kapîtalîste senî îqtîdarê AKP-MHPyî reyde têkilîya xo kenê weşêr. Hem nê îqtîdarî rê vanê dîktator û faşîst hem zî destek danê ci.

Îqtîdarê AKP-MHPyî janê vîrusê Korona zî vera kedkaran û karkeran şuxilneno. Îqtîdaro faşîsto ke verî vatêne ma de zaf çin o nika vano ma de zaf esto û jan vera têkoşînê kedkaran û hêzanê demokrasî xebitneno. Tewr peyên nê îqtîdarî jan seba ke verê nêrazîbîyayîşê vera hêrişanê serê têgêrayîşê azadîye yê Kurdîstanî bigêro û kombîyayîşê hêzanê kedkaran ê 1ê Gulane asteng bikero şuxilna. Ganî nêro qebulkerdene ke no îqtîdar jan seba pawitişê îqtîdarê xo bişuxilno. Pêo kedkarî wa her warê Kurdîstan û Tirkîya de tedbîranê xo bigêrê û û pê coşî tewtê 1ê Gulane bibê. 1ê Gulane de yewîye, paştdayîş û têkoşînê şaran û kedkaran peynîya îqtîdarî do nêzdî bikerê. Pêro warê Kurdîstanî û Tirkîya ganî bibê warê 1ê Gulane.

Mevajê janê Korona esto, geşkerdişê têkoşînê vera îqtîdarî wezîfeyêko tarîxî û fîraz o.No îqtîdaro ke vilabîyayîşê Korona ra mesuldar o û kurdan qir keno pê nameyê 'tamqefilîyayîşî'  wazeno verê têkoşînê kedkaran û kurdan bigêro. Ganî vera îqtîdarî çi têkoşîn hewce keno bêro mojnayene.

Şarê kurdî zî ganî bivîno ke îqtîdarê AKP-MHPyî şerê qirkerdişê kurdan dayo destpêkerdene û nê esasî ser o têkoşînê bîyayîşî bido, vera îqtîdarî hetê gerîlayan de cabigêro.

Pêro kedkar, cinî, ciwan û hêzê demokrasî ganî paştî bidê kurdan, vera îqtîdarî têkoşîn geş bikerê û peynîya îqtîdarê faşîstî bîyarê.

Ma 1ê Gulane yê pêro şaran fîraz kenê, ma veng danê ke têkoşînê afernayîşê welatî û dinya bikerê ke her roje tede 1ê Gulane yo.''