KCKyî serrgêra 4. ya wefatê ci de bi mesajêk Lîderê YNKyî û Serekkomaro verên ê Iraqî Celal Talabanî yad kerd.

Mesajê KCKyî wina yo:

''Ma lîder û ronayoxê YNKyî û Serekkomarê Iraqî Celal Talabanî serra 4. ya wefatê ci de bi rêzdarî yad kenê û perwerîya xo ci rê pêşkêş kenê.

Tarîxê her netewe de tay kesê ke tewirê şorişgêrî mojnenê û wayîrê hişmendîya tarîxî yê, morê xo danê binê serebûtan û benê parçeyê nasname û tarîxê a netewe. Serek Mam Celal Talabanî çar parçeyanê Kurdîstanî de bi taybetî Başûrê Kurdîstanî de semedê azadîya şarê kurdî xebitîya û ey pê nê xebatanê xo rêçê xo pey de verda.

O bi estbîyayîşê xo Iraq û Rojhelatê Mîyanênî de bi mefteyê çareserîya meseleyan, haştîye û pîyaciwîyayîşî. Embazîya Mam Celal, Rayber Apoyî û Îbrahîm Ehmedî çar parçeyanê Kurdîstanî de verê destkewteyanê pîlan akerd, semedê yewîya neteweyîye bîye hêvî. Na rewşe heta nika zî dewam kerd. Ewro dişmenê kurdan hema zî semedê çinkerdişê destkewteyanê kurdan xîret kenê. Perwerîya bi mîrasê Mam Celalî do biba mefteyê pûçkerdişê krîzî û hêrişan.

Serrgêra 4. ya wefatê Mam Celalî de ma do pê hişmendîya wezîfe û mesuldarîye wayîrê nê mîrasî û vîrameyîşê nê rayberê pîlî vejîyê. Ma do vera îşxalkeran girîngîye bidê yewîya neteweyîye, bingeyê cuya demokratîk, hempar, têdûşt û haştîyane ronê. Ma pê hêvîdar ê ke YNK goreyê mîrasê Mam Celalî mîyanê grubanê sîyasîyan ê Iraq û Başûrê Kurdîstanî de rolê hîna bihêzî kay bikero.''