Komîteya Şaran û Bawerîyan a KCKyî bi wesîleya Menga Muharemî eşkerayîyêke daye û nê pare kerdî:

''Muslumanê şîî û elewîyan Menga Muharemî de roje tepişt û Kerbale yad kerd. Ma hêvî kenê îbatedê înan cayê heqî de bêrê qebulkerdene. Bi wesîleya destpêkerdişê Menga Muharemî ma veng danê her kesî ke heq û heqîqet wazeno wa vera Yezîtanê roja ma xeta têkoşînî ya Kerbale de tewirê Huseyînî bîgêro.

Yezîtîye roja ma de xo Rojhelatê Mîyanênî de dana ciwîyayene. Rejîmê sey Yezîtî sere de Kurdîstan de her cayê Rojhelatê Mîyanênî de vera şaran zulm kenê. Îşkence, tecrîd, zext û hêrişê qirkerdişî yê ke Kurdîstan de yenê kerdene nê eşkera fînenî çiman ver. Kurdîstan û Tirkîya de elewîyî hetê înanê ke sulaleyê Yezîtî ra yenê, yenê tehdîtkerdene, raştê zext, şîdet, qirkerdiş û înkarî yenê.  Xora elewîyî zanê ê senî ver bi tehlukeyê girdî yê. Ma înan ra pawenê ke vera nê hêrişan têkoşînê xo xurtêr bikerê.  Polîtîkayê perwerde, bawerîya elewîyan, cemxaneyan tewirê tewr tehlukeyinî ê qikerdişî yê. Vera nê hêrişanê qirkerdişî elewîyî ganî xeta têkoşînî ya Huseyînî esas bîgêrê û têkoşînî xurtêr bikerê.

Bi wesîleya na roje ma wazenê vajê ke êyê ke têkoşînê Kerbale anê vîrardene ganî vera zalimanê serdestan bibê yew. Ganî vera Yezîtanê roja ma tewirê Huseynî bêro girewtene. Nê rojanê rojeyê Muharemî de wa Pîr û Anayî vajê ke çîyo ke dewlete sey îmkanî dana semedê elewîyan herem o û ganî ê nê red bikerê. Dewlete kena ke binê nameyê îmkandayîşî de elewîyan xo rê girêdo. Dewlete bi nê polîtîkayan wazena elewîyan heme erjanê înan ra raqilno. Coka ganî vera Yezîtan tewirê Huseyînî bêro girewtene.''