Hemserekîya Konseya Rayberdişî ya KCKyî derheqê şewatê Bolu de yo ke bi desan kesan dinyaya xo bedilnaye û bi desan kesî birîndar bîyî, eşkerayîya nuştekîye daye û nê vatî:

''Bolu-Kartalkaya de otêlêke de şewat vejîya û bidesan kesan dinyaya xo bedilnaye bi desan kesî zî birîndar bîyî. Ma vera na hedîse zaf qehrîyayî û nê dejî pare kenê. Kesanê ke dinyaya xo bedilnaye ma înan rê hûmayî ra rehmet merdimanê înan rê sereweşîye wazenê. Ma birîndaran zî şîfa wazenê.

Eşkera yo ke na facîa netîceya îxmalan de qewimîyaye. Tirkîya de hedîseyê winayênî tim netîceya îxmalan de benê. Tirkîya de seba ke dewelte û îqtîdar wezîfeyê xo yê eslî nêkenê hedîseyê winayên qewimîyenê. Îxmalkarîye, dizdîye, veşan û feqîr verdayîşê şarî pêro netîceya nê de benê. Tirkîya de îqtîdar wezîfeyê xo yê eslî yê xizmetê komelî nêkeno. Heta ke nika çîyo ke îqtîdar pa eleqedar beno, ci rê pere xerc keno qirkerdişê kurdan û şerê vera kurdan o. Heme neheqîye, caardişê antî demokratîkî, dizdîye, îxmalkarîye netîceya nê famî de qewimîyayî. Eke sero bêro vindetene do vejîyo werte ke no şewat zî pabesteyê nê famî yo.

La sey timî nika zî bi zextî , qedexeyê weşanî yeno waştene ke wa cigêrayîşo raşt nêro kerdene û raştîye nêrê musayene. Sey tim kenê raştîyan binimnê. Dezgehê eleqedarî sûcan erzenê yewbînan, yew di tenî yenê tepiştene û hedîse qefilnenê. Çi heyf ke sebebê raştî û zîhnîyet û polîtîaya ke binê nê sebeban de yê nêvejîyenê werte. Ma hêvî kenê ke narey muxalefeto sîyasî û dezgehê komelî yê rêxistinkerdene na hedîse ser o vindenê û îxmalan û sebebanê raştan ê îxmalan vejenê werte.''