Dewleta tirke hêrişanê vera cenazayan û keyeyanê şehîdan rê dewam kena.

Mehmet Nurî Aslan 2017 de Gever de şehîd bîyo. Keyeyê Aslanî 4 serrî yo gêreno cenaza. Dezgehê dewlete derheqê rewşa Aslanî de agahîye nêdanê keyeyî.

Kekê Mehmet Nurî Aslanî Muzaffer Aslanî da zanayene ke înan hesabanê medyaya dîjîtale ya cendirme û polîsan de tesbît kerd ke birayê înan adara 2017î de şehîd bîyo.

Muzaffer Aslanî pare kerd ke 4 serrî yo ê muracatê dezgehanê dewlete kenê la hema zî netîceyêk nêviste destî. Aslanî pare kerd ke xebera şehadetî ya birayê ci çapemenîya Tirkîya de ca dîya la hêzê asayîşî ney qebul nêkenê û bi hawayêkê xirabî nêzdîyê keyeyî benê.

Muzaffer Aslanî vat: ''Wexto ke ma xebera şehadetî dîye muracatê Dozgerîya Geverî kerd. Înan ma rê hetkarîye nêkerde û ma rê cigêrayîşo rût kerd. Dima ma muracat kerd. Înan ma rê var do agahîye bidê la hema zî nêdaye.''

Aslanî îfade kerd ke Dozgerîya Geverî verê înan dayo Wan û Meletî la ê nêeşkayî nê cayan ra zî agahîyêke bigêrê. Aslanî vat: ''Birayê mi ameyo qetilkerdene yan nê, ma nêzanenê. Eke ameyo qetilkerdene ganî cenazaya ci bêra dayene ma. Eke gorêkê ci esto wa dewlete eşkera bikera. Ma hînî her çîyî rê amade yê.''