Keyeyê Gulîstane Duku ya ke bi hewteyan o Dêrsim de vînîbîyaye ya ard ziwanê ke îfadeyê Zainal Abarakovî yew bînî nêtepişenê û vat eke Gulîstane xo eşte awe ganî sebebê xokiştişî bêrê cigêrayene. Înan Gulîstane eşta awe.
Dêrsim de seba Gulîstan Doku (21) ya ke wendekara Perwerdeyê Domanan ê Zanîngehê Munzurî bîye û 5ê çeleyî ra nata vînbîyaye ya xebatê cigêrayîşî dewam kenê. Keyeyê Gulîstane Duku û Baroyê Dêrisîmî eşkerayîyêke daye. Keyeyê Doku ard ziwan ke îfadeyê Zainal Abarakovî yew bînî nêtepişnê û vat eke Gulîstane xo eşt awe ganî sebebê xokiştişî bêrê cigêrayene. Înan Gulîstane eşta awe.
Waya Gulîstane Duku Aygul Doku ard ziwan ke cigêrayîşî sey teknîkî dewam kenê û vat: ''La hetê edlî ra kêmayî yê pîlî estê. Ma serdozgerî de pêvînayîş kerd la îfadeyê Zanial Abarakovî ra bawerîya ma çîn a. Keyeyê Zainelî û mamosteyanê mektebî psîkolîjîya waya mi xeripnaya. Eke Gulîstene xo eşte awe ganî sebebê ci bêrê cigêrayene. Gulîstane xo nêeşto. Înan Gulîstane eşta awe.''
Maya Gulîstane Bedrîye Doku zî vat: ''Gama ke ma pereyê cayê mendişî fînenê erey mamosteyî cade telefon kenê û pere wazenê la kênaya mi bîye vînî roja bîne gêrênê mi. Mamosteyê zanîngehî qijanê ma ra pere wazenê la gamake qijê ma benî vînî kes vengê xo nêjeno. Ma veng dane selahîyetdaran ma do peyê naye camêverdê.''
Serekê Baroyê Dêrsimî Kenan Çetînî zî vat ma bi serdozderî pêvînayîş kerd ma do teqîpkarê na mesele bi.
