Cenazaya gerîlayê HPGyî Muhammed Sagniçî (Demhat Samet) o ke 17ê tebaxe de operasyonê vera warê Kato Marînosî yê qezaya Bêşebabî yê Şirnexî de şehîd bi, hetê keyeyê ci ra Colemêrgî ra ameye girewtene. Cenaza seba definkerdişî ameye berdene bi Wan. 

HPGyî derheqê Sagniçî de wina vatbi: ''Embazê ma Demhat vera polîtîkayanê asîmîlasyonî yê dewleta faşîste serra 2016î de tewrê gerîlayan bi. Embazê ma tim waşt ke tewr vernî de ca bigêro û tim bi hawayêkê aktîfî têgêra. Warê Kato Marînosî de vera artêşa îşxalkere bi roja xo ver da û tewrê kerwanê bêmergan bi. Embazê ma Demhat bi têkoşînê xo û bi tewirê xo yê fedayîyî cepheyê xoverdayîşî de bi meşaleya ke rayîrê ma yê serkewtişî roşnî keno.''