Endamê Komîteya Keyeyanê Şehîdan a PKKyî Şukru Serhed (Yasîn Bulut) 17ê êlula 2021î de taxa Çarçira ya Silêmanî de netîceya suîkastî de şehîd bibi. Yeno parekerdene ke suîkast hetê MÎTî ra ameyo kerdene.

Komîteya Keyeyanê Şehîdan a PKKyî ya Başûrê Kurdîstanî sey roja îneyî ya hewteyê verênî ewro zî  semedo ke kiştoxê Şukru Serhedî bêrê dîyene warê suîkastî de çalakîyêke kerde.

Komîte eşkerayîya çapemenîye daye û îfade kerd ke heta ke kiştoxê Serhedî bêrê dîyene ê do heman roje heman cayî de çalakîya xo bikerê.

Komîte da zanayene ke hêzanê Asayîşî înan rê vato ke destê înan de derheqê sûîkastî dokumentî estê la hema zî dokumentî pare nêkerdî. Komîte vat: ''Ma pê qerqilîyenê ke dokumentî do bêrê vînîkerdene.''

Çalakîkeran dima zî warê suîkastî de qerenfîlî ronayî.