Koyê Çewlîgî reyna vêşenê
Çewlîg de reyna dar û birrî vêşenê. Daristanê dewa Xûrsî ya qezaya Gêxî ya Çewlîgî de şewat vejîya. Şewato ke vila beno tay mendo ke breso dewe.
Parlamenterê HDPyî yê Çewlîgî Erdal Aydemîrî hesabê xo yê medyaya sosyale ra da pêhesnayene ke daristanê dewa Xûrsî ya qezaya Gêxî ya Çewlîgî de şewat vejîya.
Aydemîrî vat: ''Dewijê ma bi îmkananê xo kenê ke şewatî hewna bikerî. Ma xebere dayê selahîyetdaran. Tehluke esko ke şewat bireso dewe.''
