Leşkeran wesayîtê multecîyan ser o guleyî varnayî, 2 kesî merdî
Leşkeranê tirkan Berwarî de wesayîtê multecîyan ser o guleyî varnayî. Hêriş de 2 multecîyî merdî, 12 kesî birîndar bîyî.
Qezaya Berwarî ya Sêrtî de leşkeranê tirkan nêzdîyê bajarekê Begendîkî de wesayîto ke tede 84 multecîyê afgan û pakîstanijî estbîyî da guleyan ver.
Serebûto ke şewe saete 01.30 de qewimîya de 2 multecîyan dinyaya xo bedilnaye, 12ê ci birîndar bîyî.
Birîndarî wedarîyayî Nêweşxaneyê Sêrtî. Ramitoxê wesayîtî R.E. ame destbendkerdene. Goreyê îdîayan multecîyê bînî cayê serebûtî ra remayî.
Walîtîya Sêrtî îdîa kerd ke wesayîtî goş nêda hîşyarkerdişî coka leşkeran da ci ro.
