Artêşa tirke hîrê dewanê qezaya Licê ya Amedî de operasyonê leşkerî da destpêkerdene. Çimeyanê cayîyan da zanayene ke binê çimdarîya leşkeran de zaf darî ameyê birnayene û bi desan kamyonan ameyî kiriştene.
Artêşa tirke ya îşxalkere saetanê serê sibayî de dewanê Dêrxus, Huseynik û Pena yê qezaya Licê ya Amedî de operasyono leşkerî da destpêkerdene.
Çimeyanê cayîyan da zanayene ke ge-ge vengê çekan yeno û dekewtiş û vejîyayîşê dewan ameyî qedexekerdene.
Dewa Dêrxus de binê çimdarîya leşkeran de darî yenê birnayene û bîn şewe ra nata helîkopter û droneyî gêrenê.
Dewajêkê Dêrxusî vat: ''Saetanê serê sibayî de pîya bi leşkeran 20 ra zafêr ekîbê ke destê înan de birrekê motirin estê semedê birnayîşê daran ameyî. Nînan xeymê xo nayî ro û dest pê birnayîşê daran kerd. Bîn şewe ra 9 hebî helîkopterî gêrene, droneyî gêrenê. Ge-ge vengê çekan yeno. Daranê ma birnenê. Ûcayan de bax û bexçeyê ma estê. Heta ewro tîya nê daristanan de çewî/e darî nêbirnayî. Serê sibayî ra bi desan kamyonan darê birnayeyî kiriştî. Wesîyêtê leşkerî, leşkerî, helîkopter û birnayîşê daran ma nêzano ho sebeno.''
