23yê tebaxe de qezaya Seyîdsadiqî ya şaristanê Silêmanî ya Başûrê Kurdîstanî de kedkarê çapemenîya azade Gulîstane Tara û Hêro Bahadîn hêrişê hewayî yê dewleta tirke de ameybî qetilkerdene.

Cenazaya Gulîstane Tara ameye berdene bi Parka Azadî ya Silêmanî. Tîya de seba cenaza merasîmêk ame kerdene.

Mudirê Pêroyî yê Chatr Productionî Heme Rezayî merasîm de xîretê nimnayîşê raştîyan ê PDKyî şermezar kerdî û vat: ''Ma soz danê ke rayîrê Gulîstan û Hêroyan teqîb bikerê. Embazê ma seba karê rojnamegerîye şîbî herême la wesayîtê nînan ame hedefkerdene. Dewleta tirke erdê ma de hêrişanê wenayênan tim kena. Nê hêrişî rîyê dişmenî yo raştikên zî eşkera kerd. Dewleta tirke erdê Başûrî de sûcanê şerî rê dewam kena. 

Ma şermezar kenê ke Yewina Antî-Terorî ya PDKyî nê hêrişî de sûcê dewleta tirke nimnena. Ma venga pêro dezgehanê rojnamegerîye yê neteweyî û mîyanneteweyîyan danê ke nê hêrişanê dewleta tirke bivînê. Ma soz danê ke tim rayîrê embazanê xo ra şorê û çapemenîya azade bipawê.''

Birayê Gulîstane Tara Ahmed Tekîkî zî merasîm de vat: ''Gulîstane hem waya mi, hem embaza mi hem zî hemraya mi bîye. Gulîstane rojnamegerêke bîya ke qelem û kamerayê ci est bîyê. Gulîstane şehîd bîye la ewro ma pêroyî Gulîstan ê.''