Gerîla Mazlûm Cûdî şerê Cengê Heftanînî de tewrê kerwanê bêmergan bi. Gerîla Mazlûm ê gerîlayan ra bi ke 8ê tebaxe de Pîrbûla de 8 baskan ra da artêşa tirke ro.

Mi Gerîla Mazlûm serra 2017î de şinasna. Ma Dola Beraza de rayraşîyayîşê xo dewam kerd. Gerîla Mazlûmî der û dor mojnayêne ma. Şima eşkenê Heftanînî ra Deşta Hezexî ya Vakurê Kurdîstanî, Qereçoxê Rojawanê Kurdîstanî, Cûdî û Gabar bivînê. Mazlûmî qala hîkayeyanê Şehîd Ciger, Zîrve, Şehîd Berxwedanî kerde.

Gerîla Mazlûmî zimistanan awe berdêne embazanê xo, seba embazanê xo sey dermanî vilikî arê dayêne, mirtoxe viraştêne, eke çew bêmoral bibo verar şîyêne ci. Eke embazê ci biqefilo şîyêne hetkarîya ci. Pêro Heftanîn bi şahîdê ci ke o şerwan û fermandarêko pîl bi. Coka tewr zaf çekuya kede eşkena gerîla Mazlûm Cûdî îfade bikera. Mazlûm şer, embazî, cuye û xo pê kede weye kerdî.

Eke şima wazenê têkilîya kede û gerîla fam bikerê biewnê fotografê Mazlûm Cûdîyî. Gerîla Mazlûm perwerê hîrê çîyan bi; şorişgêrî, kede, Kurdîstan.

Mazlûm Cûdî (Milad Kobadî) serra 1994î de Kamyaran de dadîya xo ra bîyo. Serra 2012î de ame koyanê Kurdîstanî û serra 2020î de Cengê Heftanînî de bi bêmerg.