Meclîso Xoser ê Şingalî: Wa leşkerê Tirkîya Iraqî ra bêrê vetene
Konseya Rayberdişê Merkezî ya Meclîsê Xoserî yê Şingalî bi eşkerayîyêke qirkerdişê Zaxoyî şermezar kerd û waşt ke wa leşkerê tirkî Iraqî ra bêrê vetene.
Konseya Rayberdişê Merkezî ya Meclîsê Xoserî yê Şingalî bi eşkerayîyêke qirkerdişê Zaxoyî şermezar kerd.
Meclîsê Xoserî pare kerd ke mesuldarê nê qirkerdişî hukmatê Kazimîyî û Îdareyê Herêma Kurdîstanî yê û vat: ''Ma sey şarê Şingalî û Îdareyê Xoserî venga selahîyetdaran danê ke verê hêrişanê dewleta tirke bigêrê. Dewleta tirke PKKyî hêrişanê xo rê kena bahane la vejîya werte ke wina nîyo. Dewleta tirke serdestîya Iraqî rê hûrmet nêkena û Kazimî zî dewleta tirke rê xizmet keno. Ganî çew ney qebul nêkero.
Wa leşkerê dewleta tirke erdê Iraqî ra bêrê vetene, baregehê dewleta tirke bêrê qefilnayene û hewa û erdî ra dekewtişê Iraqî bêrê qedexekerdene. Verî zî hêrişê vera Şingalî de domanêko 12 serre amebi qetilkerdene la Iraqî ney rê vengê xo nêkerdbi. Nê hêrişî netîceya bêvengîya hukmatê Kazimîyî û Herêma Kurdîstanî ra qewimîyenê.''
