Komeleya Cigêrayîşê Kultur û Ziwanî ya Mezopotamya (MED-DER) qezayanê Çinar, Farqîn, Bismil û Egîlî de xebatê ziwanê kurdkî kerdî. Komele taxanê qezayan de domanan reyde ameye yewca, perwerde da domanan.

Hemsereka MED-DERî Şîlane Elmas Kan îfade kerd ke  şar zaf eleqe mojneno komele û wayîrê xebetanê înan vejîya. Şîlane Elmas Kan vat: ''Her dewe de 150-200 domanî tewrê aktîvîteyanê ma bîyî. Ma keyeyan reyde zî pêvînayîş kerd û derheqê teda û kulturê vera kurdkî de agahîyî dayî. Ma do merkezê Amedî de zî nê xebatê xo bizêdînê. Her çiqas dewlete perwerdeyê kurdkî nêdana zî ma ganî kurdkî bimusnê domananê xo. Îqtîdar zî keno ke xebatanê ma asteng bikero la ma hîna bihêz dewam kenê.'' 

Şîlane Elmas Kan da zanayene ke heta nika seba kampanyaya îmzayan înan 200 hezar îmzayî arê dayî û vat: ''Ma hema nêresayî 1 mîlyon îmzayan. Ma waşt 3 şayîyan bikerê û îmza arê bidê la dewlete nêverda. La kampanyaya ma dewam kena. Ziwanî ser o xebatê ma do bizêdîyê û dewam bikerê. Ma do sinifanê kirdkî û kirdaskî abikerê, panelan virazê. Ganî keyeyî zî domananê xo reyde kurdkî qisey bikerê.''