Îdarekarê MED TUHAD-FEDî bi wesîleya Roşanê Qurbanan şîyî dewa Amara ya ke Rayberê Şarê Kurdî Abdullah Ocalan tede dadîya xo ra bîyo. Zîyaret de MED TUHAD-FEDî bale ante têkoşînê tecrîdî ser. Heyet hetê Mehmet Ocalan û Wekîlê HDPyî yê Riha Omer Ocalanî ra ame pêşwazîkerdene.

Hemserekê MED TUHAD-FEDî Zekî Baranî Amara de eşkerayîye daye û dîyar kerd ke serra 2022yî de ê di reyî ameyê dewe û di reyî zî ameyê astengkerdene. Baranî dîyar kerd ke şexsê keyeyê ci de roşanê Abdullah Ocalanî fîraz kerdo.

Baranî qala polîtîkaya tecrîdî kerde û vat: ''Polîtîkaya tecrîdî armanc kena ke têkilîya Ocalanî û şarî bibirna. Nê welatî de pêro krîzî tecrîdê Îmraliyî de eleqedar ê. Coka ganî azadîya Ocalanî bêra caardene. Ganî şarê kurdî na babete de xîretanê xo bizêdîno.''

Wekîlê HDPyî yê Riha Omer Ocalanî zî dîyar kerd ke 2015 ra dima tecrîdê vera Rayberê Şarê Kurdî ameyo girankerdene û vat: ''Berê ma pêro kurdan rê akerde yo. Nika çar parçeyanê Kurdîstanî de şer est o. Seba ke verê şerî bêro girewtene ganî tecrîd biqedo û rayîrê dîyalogî abibê. Seba caardişê haştîye tek muxatan Birêz Ocalanî yo.''

Mehmet Ocalanî zî îfade kerd ke 3 serranê peyênan de têkilîya înan a bi Rayberê Şarê Kurdî birîyaya û vat: ''Îmrali de huqûq wedarîyayo. Ganî berê Îmraliyî bêrê akerdene ke wa haştîye bêra Rojhelatê Mîyanênî.''