Vera Qirkerdişê Zaxoyî yê dewleta tirke nêrazîbîyayîşî dewam kenê. Tirkîya û Kurdîstan de vera nê qirkerdişî çalakîyî zî zêdîyenê.

Hemwelatîyanê Wanî derheqê babete de ANFyî rê qisey kerd.

Fadil Bariştirano ke bi serran o partîyanê sîyasîyan ê kurdan de wezîfe keno, îfade kerd ke PDK pê polîtîkayanê xo verê nê qirkerdişan akeno. Bariştiranî vat: ''Dinya eleqe nêmojna Qirkerdişê Roboskî. Vizêr kurdî ewro erebî ameyî qetilkerdene. Ganî seba qirkerdişanê kurdan zî hîsgerîye bimojnê. Başûr de bi serran o kurdî yenê qetilkerdene la PDK naye nêkeno rojdem zî. Ez tewirê PDKyî yê vera nê qirkerdişî protesto kena. Polîtîkayê PDKyî polîtîkayê gemarin ê.''

Sîyasetmedar Halît Tanayî zî bale ante polîtîkayanê PDKyî ser û vat: ''Mesuldarê nê qirkerdişan PDK yo. Hişmendîya PDK û Barzanîyan rayîr dana nê qirkerdişan. Ciwanê kurdî qetil benê, cenazayê înan pê kargoyî erşawîyenê la çira qala nînan nêna kerdene? Wexto ke DAÎŞî hêrişê Şingalî kerdbi kam resa hewarê înan? Barzanîyan wextê referandumî de tewirê Tirkîya û Îranî dî. Hayîya înan pê her çî est a la sîyasetê înan xelet û tersnek o. Ganî PDK nê polîtîkayanê xo raşt bikerê.''

Aktîvîst Sînan Okî vat: ''Sînorê Tirkîya-Iraq seke bîyo viraşte. Iraq de hûmara baregeh û leşkeranê tirkan nêzanîyena. Pêro doneyî mojnenê ke qirkerdişê Zaxoyî hetê dewleta tirke ra ameyo kerdene. Polîtîkayanê PDKyî verê nê qirkerdişî akerd. Heta ke meseleya kurdan nêra çareserkerdene sivîlî zî do bimirê. Ma wazenê ke wa nê qirkerdişî biqedê.''