Merkezê Îrtbîbatî û Çapemenîye yê HPGyî derheqê çalakîyanê gerîlayan û hêrişanê îşxalî yê dewleta tirke de eşkerayîyêke daye. Eşkerayîye wina ya:

''Hêzanê ma yê Pawitişê Hewayî yê Şehîde Delale; 13ê gulane de Girê Şehîd Serxwebûnî yê Zapî de îşxalkeran ser o bombayî varnayî, heman roje Girê Şehîd Serdarî yê herêma Avaşînî de hewayî ra îşxalkeran ser o bombayî vernayî. Wird çalakîyî zî bi hawayêkê serkewteyî qedîyayî.

Çarçewa Hemleya Şorişgêre ya Cengê Xabûrî de;

14ê gulane de herêma Metîna de artêşa tirke ya îşxalkere pê helîkopteran dewanê Kêste û Asûrî de operasyonêk da destpêkerdene. Hêzanê ma îşxalkerê operasyonî girewtî binê kontrolê xo û da înan ro. Çalakîye de qasê tesbîtê ma îşxalkerêk ame cezakerdene.

Heman roje vera yewinêka cîya ya îşxalkeran 3 baskan ra bi hawayêkê koordîneyî çalakîya gerîlayan ameye kerdene. Şerê nê cayî 45 deqayan dewam kerd û qasê tesbîtanê ma 2 îşxalkerî ameyî cezakerdene û îşxalkerêk zî birîndar bi.

Wird çalakîyan ra dima îşxalkeran ver bi Zendûra xo apey girewt. Mabênê saeta 16.00-16.40 de war dîya bombayan ver. Artêşa tirke ya îşxalkere şan zî pê helîkopteran war da bombayan ver û kişte û birîndarê xo girewtî.

Dewleta tirke îdîa kerd ke nê çalakîyan de yew leşkerê înan merdo, 2 gerîlayî zî şehîd bîyê. labelê na agahîye raşt nîya û qasê tesbîtanê ma 3 îşxalkerî ameyî cezakerdene, îşxalkerêk birîndar bi û zerarêk nêresa hêzanê ma ser.

15ê gulane de warê Qela Mamreşoyî yê herêma Avaşînî de vera îşxalkeran pê çekanê giranan çalakîyêke ameye kerdene. Hûmara kişte û birîndaran a na çalakîye nêameye zelalkerdene.

Bombardumanî

Artêşa tirke ya îşxalkere pê helîkopter û teyarayanê şerî hêrişê Herêmanê Pawitişî yê Medya kerd. Agahîyê serê nê hêrişan wina yê:

14ê gulane de warê Koordîne yê herêma Metîna pê helîkopter û teyarayanê şerî dîya bombayan ver.

15ê gulane de warê Çemçoyî yê Zapî 2 reyî dîya bombayan verû waranê Mamreşo, Aris Faris û Mervanosî yê Avaşînî de têgêrayîşê teyarayan estbî.

16ê gulane de warê Dola Konferansî yê herêma Avaşînî pê teyarayanê şerî 2 reyî dîya bombayan ver.''