Têkoşînê Azadîya Kurdîstanî bi xoverdayîşanê destanwarîyan pirr o. Têgêrayîşê Azadîye seba cuyêka azade û rûmtêne têkoşîn û xoverdayîşêkê bêhempayî keno. Nika konseptê îşxalî Metîna de çetin bîyo. Dewleta tirke gulane ra nata hêrişê xo zêdînayî û wazena ke armancê xo yê îşxalî yê panc serran biresna netîce.

Dewleta tirke seba ke Metîna bi temamî îşxal bikera bi seyan tank, top, droneyê çekdarî, çeka kîmyewî û nuklere, teqaberê qedexekerdeyî şuxilnena. Dewleta tirke her gandarê Kurdîstanî 'terorîze' kena. 

Vera nê hêrişanê namerdan dinya kerr, kor û lal a. Dewleta tirke bi hetkarîya NATOyî armancanê xo ana a. Keyeyê Barzanîyan zî hemkarîya dewleta tirke keno. Keyeyê Barzanîyan seba îşxalî wesayîtanê zirxînan şaweno herême, rayîran virazeno û dişmenî rê baregehan virazeno. No pêro raştîyan ano verê çiman. Bi nê îxanetî erdê Başûrî hêdî hêdî teslîmê dişmenî yeno kerdene.

Eke ewro armancê dişmenî yo verên binvistişê PKKyî yo armancê ci yo diyîn zî çinkerdişê statuyê Başûrî yo. Gerîlayî coka xoverdayîşêkê tarîxî kenê û bi çalakîyanê xo cewabê hêrişanê dişmenî danê.  Gerîlayê Metîna seba pawitişê erdê xo û rûmetê şarê kurdî her roje bi çalakîyanê xo derban danê artêşa tirke ro.

Ruhê xoverdayîşî bi serkêşîya Fermandaran Azê û Nûrî Yektayî darbêka pîle daye îşxalkeran ro. Ancî bi Hemleya Şorişgêre îtîbarê dewleta tirke ame rijnayene.  Gerîlayî pêro hedefê îşxalî Girê Hekarî de îmha kerdî. Gerîlayan ancî bi xoverdayîş û çalakîyanê xo mojna ke koyanê azadan de îşxalî rê ca çin o. No tewir û xoverdayîşê gerîlayan teyna Metîna de ney pêro Kurdîstan de dewam keno.''