Kampa Multecîyan a Şehîd Rûstem Cûdîyî (Mexmûr) de Komployê Mîyanneteweyî yê vera Rayberê Şarê Kurdî Abdullah Ocalanî bi rayraşîyayîşêkî ame şermezarkerdene. Rayraşîyayîşî verê Keyeyanê Şehîdan ra heta verê Ofîsê Neteweyan ê Yewbîyayeyan (NY) dewam kerd.

Rayraşîyayîş de alayê  PKK, KCK, HPG û YJA-STARyî û fotografê Rayberê Şarê Kurdî Abdullah Ocalanî ameyî kiriştene.

Verê Ofîsê NYyî de Hemserekê Dîwanê Meclîsê Şarî Elî Urekî eşkerayîye daye. Urekî vist vîrî ke Abdullah Ocalan 23 serrî yo binê tecrîdêkê giranî de yo û Ocalanî pê xoverdayîşê xo yê Îmraliyî komplo pûç kerd.

Urekî hêrişê PDKyî yê vera gerîlayan, xîretê dekewtişê Şingalî yê PDKyî û îşxalê Serêkanîyê û Girê Sipî zî şermezar kerdî. Urekî peynî de vat ke ê rêçê Abdullah Ocalanî ser o tim şorê û azadîya ey bîyarê ca.

Rayraşîyayîş pê sloganan qedîya.