Koyanê Kurdîstanî de hîkayeyêka newîye ya qehremanîye  tarîx de nusîyaye. Na hîkaye hîkayeya Rûstemê Kamyaran a ke dewêka herêma Kamyaranî ya Rojhelatê Kurdîstanî ra yo.

Xeyalanê Rûstemî de têna koyê Kurdîstanî bîyî. Serra 2013yî de o wayîrê xeyalanê xo vejîyeno û Şaho de tewrê PKKyî beno. Ey mîyanê PKKyî de Rayber Apo û fikrê ci diyî. Ey di sebeban ra nameyê Rûstemî xo rê weçîna. Rûstemê Zal tarîxê kurdan û Kurdîstanî de şerwanêko qehreman bi. Sebebo diyîn zî Şehîd Rûstem bi ke 2011 de Xakurkê de şehîd bibi. Şehîd Rûstemî sey gerîlayêkê PKKyî bi serran têkoşîn kerd. Rûstemê Kamyaranî zî waştêne sey înan bibo coka no name weçînabi.

Ey sey di Rûstemanê bînan bêmabên têkoşîn kerd. Rûstemê Kamyaranî pê kede têkoşînê xo xemilna, bisebr têgêra û çeke girewte xo milî.

Rûstemê Kamyaran 2013 de koyanê Şahoyî de dest pê têkoşînî kerd û xeylêk herêmanê Kurdîstanî de wezîfeyê girîngî girewtî xo ser. Nîsana 2021î de seba ke vera dewleta îşxalkere şer bikera verê xo Xakurkê. Ey Xakurkê de sey Fermandarê Yewine wezîfe kerd û mesuldarîye girewte xo ser. Dima ke derbê giranî dayî dişmenî ro, o pa hîrê embazanê xo gulana 2022yî de şehîd bi.