Merkezê Îrtîbatî û Çapemenîye yê HPGyî de nasnameyê di şehîdan eşkera kerdî.

Eşkerayîye de nê ameyî vatene:

''24ê gulane ya 2021î de warê Nevsera ya herêma Cûdîyî de mabênê hêzanê ma û îşxlakeran de pêkewtiş qewimîya. Hemrayanê ma Mahîr Zender û Sebest Zagrosî yê ke derbeyê pîlî dayî dişmenî ro pê şerkewtişê qehremankî tewrê kewanê şehîdan bîyî.

Hemrayê ma Mahîr serra 1992 de Bedlîs de ameyo dinya û keyeyêko welatperwerî de bîyo pîl. Gama ke mektebanê asîmîlasyonî yê dewlete de wendêne verê xo dayo koyanê Kurdîstanî û  2014 de Cûdî de tewrê sefanê gerîlayan bîyo. Seba ke têkoşînêko xurtî bikero  tewrê rexistinbîyayîşê hêzanê taybet bîyo. Seba ke qesasê embazê xo bîgêro bi qerardarîye şer kerd û 2018 de xeyalê xo ard ca  û verê xo da Vakurê Kurdîstanî. Hemrayê ma Mahîrî ke Botan de çalakîyanê serkewteyan de ca girewt, heta nefesê xo yê peyênî bi temsîlkarê nimûneya tewirê mîlîtankîyî.

Hemrayê ma Serbest keyeyêko welatperwer ê Efrînî de ameyo dinya û 2012 de tewrê sefanê gerîlayan bîyo. Pratîko serkewte ramojna û demo kilm de bîyo fermandar. Hemrayê ma ke xeylêk cayan de gerîlatîye kerde gama ke DAÎŞî hêriş kerd semedê pawitişê şarê Mexmûr û Kerkukî grûba verên  a gerîlayan de ca girewt. Bado ke herra Kurdîstanî çeteyan ra ameye pakkerdene agêra Vakûrê Kurdîstanî.Botan de vera faşîmê dewleta tirke pratîk de bi wayîrê keda pîle û xo dima mîraso pîl ê têkoşînî verda.

Ma sere de keyeyanê erjîyayeyan ê şehîdanê xo rê heme şare welatperwerî yê Kurdîstanî rê serweşîye wazenê û sozê serkewtişî newe kenê.''

Nameyê Qodî: Mahîr Zender

Name û Peyname: Ferît Danişman

Cayê Bîyayîşî: Bedlîs

Maye-Pî: Guneş-Mîthat

Tarîx û Cayê Şehadetî: 24ê Gulana 2021î / Cûdî

Nameyê Qodî: Serbest Zagros

Name û Peyname: Dilovan Amar

Cayê Bîyayîşî: : Efrîn

Maye-Pî: Emîne-Abdûrrahman

Tarîx û Cayê Şehadetî: 24ê Gulana 2021î / Cûdî

.