Rayîranê Trenî yê Dewlete Amed de nê hewteyî dest pê viraştişê dêsî kerdbi. Goreyê planî berzîya dêsî 2 metre û dergîya ci zî 12 kîlometre biba. 21 rêxistinanê komelê sivîlî pare kerd ke dês do şaristan werte ra sey di beşan parçe bikero û vera projeyî nêrazîbîyayîşê xo mojna. 

Rêxistinan derheqê mesele de eşkerayîyêke daye û da zanayene ke derheqê projeyî de raporê dormeyî nêameyo amadekerdene.

Hemwelatîyanê Amedî zî ard ziwan ke dês înan ê bînan ra do cîya bikero û vera projeyî medyaya komelkîye de tewirê xo mojna.

Ame parekerdene ke nêrazîbîyayîşan ra dima Wezaretê Resî proje taloq kerd.