Iraq û Başûrê Kurdîstanî de weçînayîşê encumenanê eyaletan ameyî kerdene. Teyna se ra 41ê şarî tewrê raydayîşî bi.

Goreyê netîceyanê weçînayîşan ê Komîsyonê Weçînayîşî yê Iraqî zafêr eyaletan de partîyê Şîa yê terefgîrê Îranî ser kewtî.

Weçînayîşanê encumenanê eyaletanê Iraqî de Kerkûk de YNK ser kewt. Mûsil de Koalîsyonê Nînowa ser kewt û PDK zî bi partîya diyîne.

Tewr zaf Kerkûk de merdimî tewrê raydayîşî bîyî. Kerkûko ke tede kurdî, erebî û tirkmenî ciwîyenê Partîya Yewîya Niştimanî ya Kurdîstanî (YNK) ser kewte. La seba ke partîyê kurdan yewîya xo nêanê ca beno ke bi hemkarîya koalîsyonê tirkmen û ereban Kerkûkî rê walî bêro tayînkerdene.

Kerkûk de YNKyî bi 139 hezar û 373 rayî 5 kursîyî, PDKyî 2 kursîyî vistî destî. Koalîsyonê tirkmenan Kerkûk de 2 kursîyî vistî destî.

Mûsil de Koalîsyonê Nînowa 5 kursîyî, PDKyî 4 kursîyî û YNKyî zî 2 kursîyî vistî destî.

Hetê bînî ra Temsîlkarê Şingalî Qasim Keşkoyo ke lîsteya Yewîya Şaranê Nînowa ra kewtbi weçînayîşî ser kewt. Keşko namzetê PADÊ û Îdareyê Xoserî yê Şingalî bi. Keşkoyî eşkerakerdişê netîceyan ra dima Îdareyê Xoserî û şarê Şingalî rê sipas kerd û serkewtişê xo dîyarîya Rayberê Şarê Kurdî Abdullah Ocalanî û şehîdanê Şingalî kerde.

Eyaletanê Selahaddîn û Dîyala de YNKyî kursîyêk û Koalîsyonê Hasmî yê PDKyî zî kursîyêk vist destî.