Koordînasyonê PAJKî keyepelê xo yê înternetî ser de bi wesîleya serrgêra Qirkerdişê Parisî yê ê Çeleyî eşkerayîyêke daye. Eşkerayîye wina ya:

''Ma serrgêra 12. ya şehadetê înan de embaza xo ya têkoşînî û sembola xoverdayîşî Sakîne Cansiz û kadroyanê têgêrayîşanê cinîyan embazan Rojbîne û Ronahîye bi rêz û minetî yad kenê. Nê embazê ma 9ê çeleyê 2013î de Paris de bi komployêkê namerdî ameybî qetilkerdene. Ancî ma şehîdanê Qirkerdişê Parisî yê Diyînî embaza ma Evîne Goyî û embazan Mîr Perwer û Abdurrahman Kizilî bi rêzî yad kenê. Ma soz danê ke hesabê nê qirkerdişan bipersê û ma do qetî nê komployê tarîyî yê vera serkêşanê têkoşînê ma roşnî bikerê.

Hema zî zerrîya ma de dejê qetilkerdişê ronayoxe û endama partîya ma PKKyî embaze Sara-Sakîne Cansiz û dejê Rojbîne û Ronahî est bi ke Qirkerdişê Parisî yo Diyîn ame kerdene. Dewleta Fransa herinda ke qirkerdişî roşnî bikera zemînê Qirkeridişê Parisî yê Diyînî amade kerd. Qirkerdişê vera Sakîne Cansiz, Leyla Şaylemez û Fîdane Dogan qetî tesadufî nêbi. Bi nê qirkerdişî ame waştene ke derbe bêra dayene Rayber Apouî

Kurdîsyan de faşîzmê vera cinîyan ê serkêşan û şarê ma bi heman polîtîka dewam kenê. Vera nê kerdişan hêzê komplogerî xo kenê kerr û lal. Vera feraseto ke xîret keno ke Qirkerdişê Parisî normalîze bikero û bido vîrakerdene, bedelê ci çi beno wa bibo ma do têkoşînê xo rê dewam bikerê.

Sey PAJKî ma do nê qirkerdişî nêdê vîrakerdene. Şarê kurdî, cinî û dostê înan qetî bi têkoşînê xo nê qirkerdişî roşnî bikerê.

Ma do bi pêro hêzê xo mîrasê şehîdanê xo bi ruhê Apogîrî pîl bikerê û dişmenî mehkumê binkewtişî bikerê. Ma do bi nê qerardarî serra 2024î bikerê serra serkewtişî, azadîya Rayber Apoyî bîyarê ca. Ma sey embaza xo Sara bi xoverdayîşê xo dişmenî bîyarê çokanê ci ser. Serkewtiş û azadîye qetî do ê ma bibê.''