Başûrê Kurdîstanî de bi seyan kesan vera hêrişanê îşxalî yê dewleta tirke rayraşîyayîşê 'Mertalê Gandarî' da destpêkerdene. Rayraşîyayîş çarçewa hemleya seferberîye de rayberîya Ciwananê Welatperweran ê Kurdîstanî û Cinîyan ê Ciwanan ê Têkoşeran de yeno kerdene. Pêro herêmanê Başûrî ra girseyêkê pîlî saete 11.00 de Koyî ra ver bi Behdînanî dest pê rayraşîyayîşî kerd.

La Dêgele de asayîşê PDKyî rayraşîyayîş asteng kerd. Asayîşî nêverda ke rojnamegerî rayraşîyayîşî teqîb bikerê. Çalakîkeran seba wedarnayîşê astengîye asayîş de qisey kerd. Asayîşî vat ê pabeyê fermanê Walîyê Hewlêrî yê.

Girseyî da zanayene ke eke destûr nêro dayene ê do dest pê çalakîya roniştişî bikerê.

Dewleta tirke ya îşxalkere 23ê nîsane ra nata herêmanê Zap, Avaşîn û Metîna yê Başûrî dana bombayan ver, dewan kena veng.