Pirsûs de keye û dikanî binê awe de mendî

Taxa Elîgorîya qezaya Pirsûsî ya Riha de xeylêk keye û dikanî binê awe de mendî.

Taxa Elîgorîya qezaya Pirsûsî ya Riha de semedo ke awa binê rayîran werişte ser ewro serê sibayî xeylêk  keye û dikanî binê awe de mendî. Taxa Cumhurîyetî de zî bi heman hewayî keye û dikanî binê awe de mendî.

Karanê Awe yê Dewlete (DSÎ) seba ke xebata drenajî nêkerd verê cû zî taxanê bînan de rewşê winasênî qewimîyayî. Projeyê Awkerdişî yê Pirsûsî  hema ke temam nêbi seba ke bibo propagandaya weçînayîşê Erdoganî ame akerdene. Dîya zanayene ke caardişê nê projeyî zî sebebanê felaketan ra yew o.