Komîteya Ciwanan a PKKyî bi wesîleya serrgêra şehadetê Alî Çîçekî eşkerayîyêke daye. Eşkerayîye wina ya:

''Darbeya 12ê Êlula 1980î ya faşîste rîyê xo yo raştikên Zîndanê Amedî de mojna. Xoverdayîşê 14ê Temmuze zî mojna ke îradeyê PKKyî qetî sereyê xo nêano war. Xoverdayîşê 14ê Temmuze bi erjanê merdimatîye ra yew û bi hêvîya merdimatîye. Xoverdayoxanê 14ê Temmuze ra embaz Alî Çîçek roja 67. ya Xoverdayîşê Rûmetênî de 17ê êlula 1982yî de şehîd bibi. Ma şexsê ey de pêro şehîdanê Xoverdayîşê 14ê Temmuze yad kenê.

Embaz Alî Çîçekî têgêrayîşê PKKyî ra awil Kemal Pîr şinasna û tewrê têkoşînî bi. Ey têkoşînêko winayên kerd ke nefesê xayînan birna. O seba perwerde û rêxistinîya ciwanan zî seferber bi. Seba ruh û bawerîya şorişgêre şarê ma rê bi sembolê milîtanîye. Wexto ke kewt destê dişmenî zî ey tewirê xo ra tawîz nêda. Ey Zîndanê Amedî de rîyê dişmenî rê vat 'Ez Alî ya, şima mi hol şinasnenê. Ez îtîrafan nêkena. İşkenceyê şima teyna eşkenê ganê mi bigêrê. Wezîfeyê mi xoverdayîş o, îtîrafkerdiş ney. Dest pêbikerê. Ma bivînê xo dewlete xurt a yan partîya ma.' Ey bi nê tewirê xo mojna ke wayîrê mesuldarîyêka senîne yo. Nê tewirî Alî Çîçek kerd estareyo sûr. 

Darbeya 12ê Êlule bi AKP-MHPyê faşîstî dewam kena. AKP-MHP bi destekê PDKyê xayînî keno ke armancanê 12ê êlule bîyaro ca. La sey vizêr cunta nêeşkena îradeyê ma bivisna destî. Raştîya Kurdîstanî bi mîrasê xoverdayîşî yê Rayberîye resaye nê dewrî. Qiseyê 'PKKyî xoverdayîş musna ma, teslîmîyet ney' ê Alî Çîçekî bîyo pusulaya ma ya ciwanan. Ciwanê Apogîrî bi na pusula bi xoverdayîşê xo do AKP-MHPyî bin bivisnê. Bêguman nê xoverdayîşî de tewirê Alî Çîçekî yeno esaskerdene. 

Ruhê Xoverdayîşê 14ê Temmuze ewro serkêşîya gerîlayan de ver bi serkewtişî şino. Ganî ciwanê welatperwer û şorişgêrî yê Kurdîstanî vîrameyîş û mîrasê xoverdayîşî yê Alî Çîçekî raşt fam bikerê ke mîsalê ciwanîye yê ruhê Apogîrî yê ciwananê şorişgêran û Kurdîstanî yo. Ganî ma nê mîrasê xoverdayîşî bikerê pusulaya têkoşînî. Bi qehremanî, xoverdayoxî û tewirê Alî Çîçekî ganî ciwanî verê xo bidê têkoşînî. Yar û neyarî wa bizanê ke ma sey teqîbkerdoxanê Alî Çîçekî xeta ciwanîya fedayîye ya Apogîre de têkoşînî ser bivisnê.''