Yeno plankerdene ke bajarê Dresdenî yê Almanya de Unîversîteya Kurdan a Mîyanneteweyîye 2026 de bikewo falîyet. Prof. Dr. Christoph Scholzo ke do rektorîya na unîversîte  bikero ajansê ma rê qisey kerd. qiseykerdişê Shcolzî ra qismêk wina yo:

''Unîversîteya Kurdan sey akademikî do azad bi, xoser û wayîrê fîkranê akerdeyan bi. Tîya de perwerde û cigêrayîşî do almankî, lehçeyanê kurmanckî û sorankî yê kurdkî de bêrê rayraberdene. Bi tecrubeyê mi yê profesor û rektorî, fîkrê na unîversîte mi motîve keno. Hetê akedemikî ra zî ma warê mîyanneteweyîyî de bi ekîbêkê xurtî dest pê dezgehê neweyî bi zaf ziwanî û pabesteyê erjan kenê. Ma bi na unîversîte hedef kenê ke perwerdeyê berzî yê globalî rê standartanê neweyan bidê qezenckerdene.

Eke ci rê wayîr bêro vejîyayene  her ziwan eşkeno bibo ziwanê zanîstî. Almankî zî verî ziwanê zanîstî nêbî. Kurdkî aîdê keyeyê ziwanî yê Hint-Ewropa yo, wayîrê edebîyatê zengînî, xeylê lehçeyan û kulturê ganî yo. Çîyo ke kêm o paştdayîşo sîstematîk, xebatê terminolojî û xurtkerdişê dezgehkî yo. Tam na nuqta de ma kewnê dewre. Unîversîteya Kurdan a Mîyaneteweyîye do bitaybetî ziwanî ser  vindero. Ma do bi xebatanê bi projeyanê açarnayîşî, weşananê akademîkî yê kurdkî, materyalanê perwerdeyî û averberdiş û ronayîşê merkezêkê ziwannasî paştî bidê nê prosesî. Na unîversîte têna dezgehê ke perwerdeyî nîyo, eynî wextî de projeyêkê nasname û  azadîye yo.''