Hemkarê Serekê Başûrê Kurdîstanî Kubat Talabanî û Têgêrayîşê Goranî qetilkerdişê Endamê Komîteya Keyeyanê Şehîdan a PKKyî Yasîn Bulut (Şukrî Serhed) şermezar kerd.

Goreyê xebera ke medyaya nêzdîya YNKyî ameye parekerdene Hemkarê Serekê Başûrê Kurdîstanî Kubat Talabanî derheqê qetilkerdişê Bulutî de eşkerayîye daye û vat: ''Ez qetilkerdişê Şukru Serhedî şermezar kena. Veng danê hêzanê asayîşî ke wa lezabez bigêrê qetilkeran û semedê cezakerdişê vejê verê mehkeme.'' Talabanî ard ziwan ke Silêmanî bajarê îstîkrarî yo vat her kes eşkeno nê bajar de biciwîyo.

Têgêrayîşê Goranî zî bi eşkerayîyêka nuştekîye qetilkerdişê Bulutî şermezar kerd û veng da selahîyatdaran ke wa sûcdaran helêke cuwa ver tepişê. Eşkerayîye de wina ame vatene: ''Ma eşnawit ke aktîvîsto sîvîl Şukru Serhed  Silêmanî de ameyo qewtilkerdene. Ma nê hêrişê terorî yo ke asayîşê Başûrê Kurdîstanî û Silêmanî hedef keno, şermezar kenê. Selahîyetdarî ganî cadê serebûtî safî bikerê ke qetilkarî bêrê tepiştene û cezakerdene.''