Endamê Komîteya Keyeyanê Şehîdan a PKKyî Yasîn Bulut (Şukrî Serhed) Silêmanî de hetê artêşa tirke ra ame qetilkerdene,bi merasîmêkê xurtî ame definkerdene.

Netîceya raporê Tipê Edlîyî de eşkera bi ke 4 guleyan îsabatê Yasîn Bulutî kerd. Badê otopsî cenazaya Bulutî bi slogana ''Şehîdî nêmirenî'' ameyî berdenê Camîya Ehmedê HaCî Elî yê taxa Serçinarî. Helêrî ra heta Kelar, Ranya ra heta Silêmanî û Helepçe  bi hezaran kesî tîya ameyî pêser. Dima ra cenaza bi seyan wesayîtan ameye berdene Binarê Qendîlî. Konvoyê cenaza gama ke Sengerser ra ravêrtene şarê Ranya, Sengeser û Qeladizê bi sloganan verwazî kerd.

Şehîdgehê Mehmet Karasungurî de merasîm ameye kerdene. Pîya bi endamanê Tevgera Azadî û Komîteya Keyeyanê Şehîdan a Başûrê Kurdîstanî  bi seyan kesî tewrê merasîmî bîyî. Tîya sloganê sey "Ey şehîd xwîna te li erdê namîne", "Şehîd naminin" û "Bimre Xiyanet" bîyî berz.

Merasîm bi rezgirewtişî dest pêkerd. Dima ra bi nameyê Komîteya Keyeyanê Şehîdan a PKKyî Ebdullwehab Ehmedî qisey kerd. Ehmedî ard ziwan ke Yasîn Bulut 40 serran ravzafêr o ke têkoşînê PKKyî de ca geno û vat ey bi ruhê Apoyî kede daye. Ehmedî hêrişê MÎTî şermezer kerd û vat: ''Wa Dişmen hole bizano ke gonîya Şukruyî do erdî de nêmano. Ma do têkoşîno ke hemra Şukruyî 40 serrî kerd pîlêr bikerê.''

Hemserekê Tevgera Azadî Mihemed Abdullah zî qetilkerdişê Yasîn Bulutî ra îdareyê Başûrê Kurdîstanî berpisîyar tepişt û vat: ''Başûrê Kurdîstanî rîyê nê îqtîdarî ra bîyo meydanê terorî.''

Badê eşkerayîyan Yasîn Bulut ame definkerdene.