Endamê Komîteya Keyeyanê Şehîdan a PKKyî Yasîn Bulut ewro Silêmanî de hetê dewleta tirke ya îşxalkere ra kişîya.

Cenazaya Bulutî Dezgehê Tipê Edlîyî ra ameye girewtene û ha ha yena berdene bi camîyê Ehmedê Hacî Elîyî. Şar pê sloganê 'Şehîdî nêmirenî' pê girseyan tewrê cenaza beno. Cenaza kombîyayîşê şarî ra dima do bêra definkerdene.

Komîteya Têkilîyanê Teberî ya PKKyî zî ewro bi eşkerayîyêke vat: ''Dewleta tirke embazê ma Yasîn Bulut (Şukru Serhat) verê keyeyo ke tede mendêne de bi hawayêkê wehşîyî qetil kerd. Ma veng danê ke wayîrê Yasîn Bulutî vejîyê û tewirêk dîyar bikerê.''