9ê kanûna 2019î de Şaredarîya HDPyî ya Rêya Armûşî hetê qeyûmî ra ameye xespkerdene û karkerî tira ameybî vetene. Qezaya Rêya Armûşî ya Wanî de xeylêk bînaya tarîxîyî estê.

Nê keyeyê kahanî exlebî di qatî yê û bi giranî kerpîç û textî ra virazîyayî. Zimistanan germ ê, hamnanan serd ê. Nê keyeyî bi giranî warê Bajarê Kevnî yê Wanî de bîyî ke 3 hetê ci girewte yê. Dima ke Bajarê Wanî yê Berê rijîya nê keyeyê tarîxîyî zî ameyî rijnayene. Tewr peyên qeyûmê AKPyî nê keyeyî xera kerdêne.

Xeylêk bînayî kahanî bi vatişê 'bînayê beradayî' yê qeyûmî ameyî rijnayene. Yeno vatene ke herinda înan de bînayê berzî virazîyenê. Roniştoxêkê herême îfade kerd ke taxe de verê cû bi desan keyeyî estbî. La nê keyeyî hetê qeyûmî ra ameyî rijnayene  û pêşkêşê terefgîr û muteahîtan ameyî kerdene.