Şirnex de Şaredarîya Cizîre ya DBPyî 21ê sibata 2015î de Qesra Mehmet agayî kerdbî Keyeyê Dengbêjan û bi nê hawayî waştbi ke kulturê dengbêjîye bêro pawitene.

La 11ê êlula 2016î de şaredarîye rê qeyûm ame tayînkerdene. Qeyûma Şaredarîya Cizîre Nazliye Demîr Keyeyê Dengbêjan o tarîxî da Mudirîya Perwerdeyê Millî. Dîya zanayene ke qeyûme waşt ke bedelê ney de wa warê Dibistana Fatîhî yê taxa Cûdîyî zî dewrê şaredarîye bêro kerdene. 

 Ame parekerdene ke Mudirîya Perwerdeyê Milîyî keye sey Lîseyê Huneranê Rindan bişuxilno. Meclîsê Şaredarîye derheqê bira serê Keyeyê Dengbêjan de vat: ''Seba ke erjê hunerî cayê musbetî de bêrê kerdene, no ca tehsîsê Mudirîya Perwerdeyê Milî ame kerdene.''