Hemşaredaranê Amedî Serra Bucak û Dogan Hatunî Parka Sumerî de kombîyayîşê çapemenîye kerd û rewşa deynanê şaredarîye eşkera kerde.

Serra Bucak pare kerd ke hema cigêrayîşê înan dewam kenê û vat: ''Seke zanîyeno wextê qeyûman de 8 serran bînaya şaredarîye çapemenîye û şarî rê girewte bîya. Ma do na rewşe bivurnê. Berê ma heta peynî medya û çapemenîye rê akerde yê.

Goreyê tesbîtanê ma yê peyênan deynê şaredarîye yo pêroyî 2 mîlyar 438 mîlyon lîra yo. Deynê Îdareyê Awe û Kanalîzasyonî (DÎSKÎ) yê şaredarîye de 907 mîlyon o. Deynê şaredarîye bi temamî 3 mîlyar û 640 mîlyon lîra yo.''

Şaredarîye de hema zî yewinanê cîyayan de cigêrayîşî dewam kenê.