Hemsereka HDPyî ya qezaya Erdîşî ya Wanî Sarya Bîlîcî pare kerd ke bi tayînkerdişê qeyûman mekanîzmayê ke meseleyê cinîyan çareser kerdêne, wedarîyayî.

Sarya Bîlîcî îfade kerd ke şîdetê vera cinîyan zêdîya û vat: ''Şarederîyanê HDPyî de temsîlîya têdûşte estbî. Wexto ke sîstemê hemserekîye estbi, yewinê cinîyan, hemserekê cinîyî, endamê cinîyê meclîsê şaredarîyan estbî. Mekanîzmayî estbî ke cinîyî goştaritêne û meseleyê înan çareser kerdême. Labelê qeyûman ra dima yewinê ma yê cinîyan wedarîyayî. Zêdebîyayîşê kişîyayîş û tecawuzê vera cinîyan naye ra yê. Eke înan dest nênayêne şaredarîya ma ser, yewîn û dezgehê ma yê cinîyan zêdêr aktîfêr bibîyêne. Nika dezgehêk nêmend ke meseleyê cinîyan çareser bikerê.''