Vizêr Îdarekarê DEM Partîye Ahmet Gun û lajê ci Abdurrahîm Gun dewa Taloka ya qezaya Qilebanî ya Şirnexî de raştê hêrişê çekdarî ameybî. Ahmet Gunî cayê serebût de dinyaya xo bedilnaye û lajê ci zî birîndar bi.

Derheqê qetilkerdişê îdarekarê DEM Partîye Ahmet Gunî de 3yê ci qoricîyî 4 kesî cigêrîyenê. Dîya zanayene ke nînan ra qoricîyo 60 serre teslîmê leşkeran bîyo.

Goreyê îdîayan Enver Babat (60), Omer Yarar, Siddik Babat û lajê ci Ebûbekîr Babatî hêriş kerdo. Qereqolê cendirmeyan derheqê nê kesan de bira cigêrayîşî daye. Dîya zanayene ke nînan ra Enver Babat teslîmê leşkeran bîyo.

Enver Babat û Siddik Babat qoricî yê, Ebûbekîr Babatî zî verê cû qoricîtîye kerdêne la dima karî ra ame vetene.