Dewleta tirke ya îşxalkere vera gerîlayan û herêmanê Kurdîstanî gaz û çekanê kîmyewîyan şuxilnena.

Qurban û Serekê Komeleya Qurbananê Qirkerdişê Helebçe Luqman Ebdulqadir Mihemedî  derheqê babete de ANFyî rê qisey kerd.

Serekê Komeleya Qurbananê Qirkerdişê Helebçe Luqman Ebdulqadir Mihemedî ard ziwan ke çek û gazê kîmyewîyî goreyê krîter û huqûqê mîyanneteweyî ameyê qedexekerdene û vat: ''Nê gaz û çekî bi xirabî tesîrê merdiman kenê. Ma her kesî ra zêdeyêr dej û zerarê nînan zanenê. Coka kamca de bêrê şuxilnayene zî ma vera nê çek û gazan ê.''

Serekê Komeleya Qurbananê Qirkerdişê Helebçe Luqman Ebdulqadir Mihemedî bale ante bêvengîya Hukmatê Herêma Kurdîstanî ya vera hêrişanê kîmyewîyan ser û vat: ''Hukmatê Herêma Kurdîstanî têkilîyanê xo yê Tirkîya ra nê hêrişan rê vengê xo nêkeno. Ganî merdimê wayîrwijdan û exlaqî nê hêrişan rê tewirê xo bimojnê. Ma sey kurdan ganî paştî bidê yewbînan. Ma dî ke Helebçe de se bi.''