Çalakîyanê bêmabênan ê gerîlayan çek û teknîkê dewleta tirke ya îşxalkere pûç kerdî.La dewleta tirke ya îşxalkere semedo ke xo sey serkewte bimojna kena ke raştîya warê şerî bivurna.

Raştîyî ne sey vateyanê Erdoganî yê ne zî sey îstatîstîkanê dewlete yê. Mabênê raştî û xeyalan de koyê Kurdîstanî estê. Rixmê ÎHA û SÎHAyan zî şerwanê azadîye dekewenê çeperanê îşxalkeran, dest nanê çekanê înan ser û çeperan îmha kenê.

Artêşa tirke ya îşxalkere artêşa pîle ya NATOyî ya la pê xoverdayîşê gerîlayan nêeşkena. 23ê nîsane ra nata hêrişê îşxalî yê vera Zagros û Metîna dewam kenê. Şuxilîyayîşê çekan ê kîmyewîyan dinya ser o sûc o, hêrişê vera sivîlan û nêweşxaneyan zî. La nê kerdişî şovê înan ê 'Ez xo ser o ya'.

Werxelê, Girê sorî û Metîna de çekê kîmyewî şuxilîyenê. La ancî zî ê nêeşkayî gerîlayan vindarnê. Bedelê ney esto û gerîlayî zî nê bedelî danê. çunke gerîlayî zananê ke serfîrazî û azadîya bêbedele çin a. Vera şuxilîyayîşê çekan ê kîmyewîyan nêrazîbîyayîşî estê, şuxilnayîşê çeka kîmyewî sûc o.

Wexto ke babete kurdî benê hêrişê vera merdimîye nênê dîyene. Kişîyayîşê kurdan sey heqî yeno dîyene. Nê şerî de yew krîterê huqûqî çin o. Wijdan hêzo tewr xurt û afernayox o. Wijdanê komelî eşkeno bêedaletî û bêwijdanîya dewleta tirke ya faşîste çin bikero. Nê têkoşînî de ke gerîlayî rayberîya ci kenê, şarê kurdî, şarê bindestî, cinî û terefgîrê demokrasî zanenê ke ê nêzdîyê serfîrazî yê. Netîce: Eke gerîlayî warê şerî de bibê, Erdogan do tim şaş bimano.