Rayraşîyayîşo Derg ê ciwananê kurdan û enternasyonalîstan Bielefeld de bi konferansê ''Raştîya Rayberîye û Rolê Ciwanan'' dest pêkerd. Sîyasetmedar Muharrem Aralî vat vera xoverdayîşê ciwanan de qet hêzêk nêeşkeno vindero.
Ciwananê kurdan û enternasyonalîstan ê ke bajarê Bielefeldî yê Almanya de ameyî têhet çarçewaya hemleya Rayber Addullah Ocalanî rê azadîye, meseleya kurdan rê çareserîya sîyasîye de bi konferansê ''Raştîya Rayberîye û Rolê Ciwanan'' dest pê Rayraşîyayîşê Dergî kerd.
Konferanso ke Merkezê Komelê Demokratîkî yê Kurdan ê Bielefeldî ame kerdene Rojanameger û Nuştox Sefkan Kobanê û Sîyasetmedar Muharem Alan tewrê ci bîyî. Konferans de fîkr û felsefeya Rayberê Şarê Kurdî Abdullah Ocalanî ser o ame muneqeşekerdene.
