Rêxitinê ekolojî yê ke Îstanbulî ra seba ke bale biancê şewatanê daristanî ser ameyî Dêrsimî, qezaya Pulurî de şarî reyde ameyî têhet.

Têhetameyîş bi deyîra Dêrsimî ra heta Koyanê Kazî xoza sînor nas nêkeno dest pêkerd. Kombîyayîş de derheqê şewatanê ke dewro peyênde vejîyenê û yenê vetene de muneqeşe ame kerdene. Qiseykerdişan de ame vatene ke şewatê Kurdîstanî rîyê operasyonanê leşkerîyan ra û Tirkîya rîyê rantî ra yenê vetene.

Ekolojîstan bale ante muhîmîya têkoşînê hemparî ser û vat ganî semedê hewnakerdişê şewatan koordînasyonî bêrê ronayene. Ekolojîstî dima ra şîyî warê şewatê ke 29ê tebaxe de Dola Munzurî de vejîyabi badê hîrê rojan amebi hewnakerdene û tîya dîmenê netîceya şewatî vetî. Ekolojîstî Dêrsimî ra agêrayî.