34ê rêxistinê ekolojî seba ke bale binace şewatê daristanî ser, Îstanbulî ameyî Dêrsim. Temsîlkarê partîyanê sîyasîyan û rêxistinanê komelê sîvîlî û Wekîlê HDPyî yê Dêrsimî Alî Onlu Meydanê Seyîd Rizayî de heyetî reyde ameyî têhet.

Bi nameyê rêxistinanê ekolojîstan Temsîlkarê Têgêrayîşê Ekolojî yê Mezopotamya Vahap Işikliyî qisey kerd. Işikliyî bale ante talanê xoza ser û vat: ''Tirkîya de daristanê benê qûrbanê rantî. Dêrsimî ra heta Cûdîyî, Çewlîgî şewatî dewam kenê. Nê şewatî rîyê operasyonan ra vejîyenê û eynî sebeban ra destûr nêdîyeno ke şar şewatî hewna bikero.''

Serekê Komeleya Dormeyî yê Munzurî Ali Yildizî ard ziwan şewatê daristanan sûc o vat: ''Çi heyf ke bi serran o Dêrsim de dewî, daristanî, merdimê ma yenê vêşnayene.  No sûcê merdimîye yo, sûcê xoza yo.''

Badê qiseykerdişan ekolojîstê ke Îstanbulî ra ameyî bi deyîrêke bale ante serê texrîbatê xoza.

Ekolojîstê ke badê badê eşkerayîye şîyî Pulurî siba do tîya kombîyayîşêk bikerê û derheqê talanê ekolojîkî de muneqeşe bikerê.