Şaristananê Antalya, Muglayî û şaristanê Dêrsimî yê Kurdîstanî de şewatê daristanan dewam keno. Bîlançoya şewatî ya Dêrsimî nika ra zaf giran a. Wekîlê HDPyî yê Dêrsimî Alîcan Onluyî derheqê şewatî de eşkerayîyêka nuştekîye daye.

Onluyî eşkerayîya xo de pare kerd ke mesuldarê şewatî îqtîdar bi xo yo. Onluyî da zanayene ke îqtîdar Mûş, Dêrsim û cayanê bînan ê Kurdîstanî de nêverdeno şewatî bêrê hewnakerdene ke nê şewatî şerî ra semed vejîyenê.

Onluyî vat: ''Qezaya Xozatî ya Dêrsimî de herêmanê Amutka, Ormanyolu, Boydaş, Derekoy û Çakmakliyî de bi rojan o şewat dewam keno. Şarê Dêrsimî, dezgehî, îdareyê herêmkî û zerrîwazî wazenê şewatî hewna bikerê la îqtîdar nêverdeno. No zî rîyê raştikênî yê îqtîdarî eşkera keno. Gereka her kes bêcîyakerî nêzdîyê şewatan bibo. Êyê ke seba şewatê şaristananê rojawanî seferberîye kenê nêverdenê şewatê Kurdîstanî bêrê hewnakerdene. Dewlete wayîrê têkoşînê vera şewatanê Dengizê Sipî û Ege vejîyena la Dêrsim de nêverdena  hemşaredarî, temsîlkarê partî û dezgehan şorê herêmanê şewatî. Şewatê Dengizê Sipî û Ege de merdimî qala kêmasîya helîkopter û teyarayan kenê la Dêrsim û cografyaya Kurdîstanî de çira çirey şewatan de helîkopter û teyarayî nêşuxilîyenê? Ma wazenê ney bizanê.''