Dêrsimijan ANFyî rê dîyar kerd ke ê tayînkerdişê qeyûman qebul nêkenê û vat ke ê do vera qeyûmî xoverdayîşê xo rê dewam bikerê.

Hebûn Aslanî vat: ''Şarê Dêrsimî qetî sereyê xo nêard war, vera nê polîtîkayanê qeyûmî zî sereyê xo do nêaro war. Heta ke netîce bigêrê, ma do waran de bibê. Ma do peyê îradeyê xo de bibê.''

Îsmet Yildirimî vat: ''Ma hêz û kesanê ke dest na îradeyê ma ser qebul nêkenê, do nêkerê. Îradeyê şarî nêbeno ke bêro xespkerdene. Ma şaredarîya xo wazenê.''

Zeynepe Demîr vat: ''AKP-MHPyî çend serrî yo Dêrsim de wekîlîyêke zî şaredarîyêke zî nêviste destî. Îqtîdar bi teda û zulmî îradeyê ma çin hesibneno. Qanûno Bingeyîn nêno caardene.''

Nazli Çelîkoz vat: ''Tornê Seyîd Rizayî qeyûman qebul nêkenê. Dêrsîmî qetî sereyê xo nêard war. Sey ewladanê Dêrsîmî ma do têkoşîn û xoverdayîşê xo rê dewam bikerê.''

Ozgur Karaçî vat: ''Çîyêko balkêş o ke ê xîret kenê ke bi qemçîya huqûqî her çî bivurnê. Eşkerayîyê haştîye yê îqtîdarî raşt nîyê.''