Polîsanê îngilîzan serê sibayî London de polîsan eşt bînaya Merkezê Komelê Kurdan (KCC) û keyeyanê welatperweran ser û xeylê kesî destbend kerdî.

Bi seyan polîsan berî şikitî, keyeyî serûbin kerdî. KCC de cigêrayîşî dewam kenê. Kuçeyê komelî ame qefilnayene.

Heta nika Hemsereka Meclîsê Şarê Kurdî yê Brîtanya Turkane Budak, xebatkarê Meclîsî Ercan Akbal, nuştox Alî Poyraz û Temsîlkarê Têkilîyanê Teberî yê Meclîsê Şarê Kurdî Agît Karataş ameyî destbendkerdene.

Ame parekerdene ke sereştişê vera keyeyê Turkane Budak de birayê aye Hayrî Budak birîndar bîyo, Alî Poyraz çepkî ameyo kelemçekerdene.

Hemserekê Meclîsê Şarê Kurdî Saît Suruçî venga her kesî da ke Haringey de verê Merkezê Komelê Kurdan de bêro pêser.