Roniştoxanê Kampa Multecîyan a Şehîd Rûstem Cûdîyî (Mexmûr) hêrişê dewleta tirke û PDKyî pê rayraşîyayîşêkî şermezar kerdî.

Rayraşîyayîş de fotografê Rayberê Şarê Kurdî, alayê KJK û KCKyî ameyî berzkerdene û sloganê sey 'Ma welatê xo de îşxalkeran nêwazenê', 'Kurîstan keyeyê Barzanan nîyo' ameyî vatene.

Rayraşîyayîş verê bînaya Neteweyan ê Yewbîyayeyan de qedîya, tîya de Hemsereka Meclîsê Şarî Pakistane Bîlenî qisey kerd û pare kerd ke ê hêrişê vera gerîlayan qetî qebul nêkenê. Bîlene da zanayene ke Tirkîya tim hêrişê Mexmûrî kena la ne PDK ne zî hukmatê Iraqî vera ney tewirê xo nêmojnenê. Bîlene venga pêro şarê kurdî da ke vera îşxalî vejîyo meydanan.