Gerîlayanê HPG û YJA Starî  Egîd Nûda û Arjîne Destan Bakur bi wesîleya serrgêra Çalakîya Rojeyê Mergî yê Pîlî yê 14ê Temmuze ANFyî rê qisey kerd.

Egîd Nudayî vat: ''Zîndanê Amedî de seba ke îradeyê embazan bêro teslîmgirewtene bi her hawayî îşkence ame kerdene. La embazanê ma bi xoverdayîşêkê bêhempayî cewab da îşkenceyan. Ewro zî zîndanan de heman xoverdayîş est o. Bi taybetî xoverdayîşê vera tecrîdê serê Rayber Apoyî ma rê beno moral û çimeyê hêzî. Êyê ke wazenê bibê Esat Oktay, raştê xoverdayîşê kesayetanê sey Mazlûman, Kemalan, Xeyriyan û Ferhatan yenê. Ewro Herêmanê Pawitişî yê Medya de xoverdayîşê 14ê Temmuze dewam keno. Dişmen seba ke îradeyê ma teslîm bigêro hêrişan keno la ma bi ruhê 14ê Temmuze xo ver danê.

Arjîne Destan Bakur vat: ''Çalakîya 14ê Temmuze çalakîyêka asane û rehete nêbîye. Zîndanê Amedî de vera îşkence û kerdişanê xiraban îradeyêko xurt vejîyabi werte. Ma zî ewro bi ruhê Mazlûm, Çaran û Kemal Pîran têgêrenê. Embazanê ma yê Zîndanê Amedî seba ke dewleta tirke nêresa armancê xo, xo ver da û ameyoxê kurdan awan kerd. Ewro xêrê têkoşîn û xoverdayîşê înan ra kurdî têkoşînê xo kenê pîlêr û kadroyê partîye zêdîyenê. Seba ke ma Rayber Apoyî zîndanî ra vejê têkoşînê xo kenê pîlêr. Ma do dişmenî bin bifînê û Rayberê xo azad bikerê. Ruhê 14ê Temmuze ewro Zap, Avaşîn û Metîna de xurtêr beno.''