Mêrdîn de HDPyî otêlêke de ''Kombîyayîşê Budçe'' serûber kerd. Hemserekê HDPyî Mîthat Sancar, Vervatoxa HDPyî Ebru Gunay, Hetkarê Hemserekanê HDPyî Garo Paylan, Ekonomîst Mustafa Sonmez, Hemsereka Egitim-Senî Necla Kurul, Akademîsyena Haştîye Sevîlaye Çelîk zî tede xeylêk temsîlkarê partî û rêxistinan tewrê kombîyayîşî bîyî.

Sancarî kombîyayîş de qisey kerd û pare kerd ke semedo ke budçeya şarî virazê ê kewtî rayîr. Sancarî vat: ''Îqtîdar budçeya şerî verê ma de ronaya. Wexto ke merdim biewno çimeyanê ke dîyayê şerî eşkeno bivîno ke pê înan pê rehetî biciwîyo. Pê polîtîkayanê şerî budçe dîyena terefgîranê qesre û rantî. Coka herinda şerî de ma haştîye ser o qisey kenê. Ma do budçeya haştîye virazê.

Ma wazenê pêro dormeyan reyde muzakere bikerê, dîyalogan virazê. Ma wazenê warê sîyasetê demokratîkî hîra bikerê. Haştîye têna zemînê sîyasetê demokratîkî ser o awan bena û mende manena.''