Seba gerîlaya YJA-Starî Mizgîne Cigerxwîn mewlûd dîya
Seba gerîlaya YJA-Starî Mizgîne Cigerxwîn (Şehnaze Okşamak)a ke Herêmanê Pawitişî yê Medya de şehîd bibî, qezaya Farqînî ya Amedî de mewlûd ame dayene.
Gerîlaya YJA-Starî Mizgîne Cigerxwîn (Şehnaze Okşamak) 25ê êlula 2020î de bombardumanê dewleta tirke de Herêmanê Pawitişî yê Medya de pa 3 embazanê xo şehîd bibi.
Seba şehîde Mizgîne qezaya Farqînî ya Amedî de keyeyê ci mewlûd da. Mayê Haştîye zî tede xeylêk kesî tewrê mewlûdî bîyî.
