Dewleta tirke ya îşxalkere Şingal de wesayîtê Çira TV û Çira FMyî dabi bombayan ver û hêriş de 3yê ci xebatkarê Çira TV û Çira FMyî 7 kesî birîndar bibî.

Nînan ra  rojnameger Murat Mîrzayo ke rewşa ci giran bibî vizêr nêweşxane de şehîd bi. Cenazaya ey ameye berdene bi bajarekê Sikênîyê yê Şingalî.

Cenaza hetê keye, embazanê ey û îdarekaranê Îdareyê Xoserî ra Goristanê Girê Gewrî de ameye definkerdene.

Girseyî bi hêrs û kederî cenaza defin kerde. Embazanê ci yê xebate serê gorê Mîrzayî de kamerayî nayî ro û soz da ke ê do vera îxanet û îşxalî têkoşînî berz bikerê.